أسئلة و أجوبة
FAQ
ما لقيتش إجابتك؟ اتصل بينا على 27 055 523.
الكوموند و التوصيل
قدّاش يستنى التوصيل؟
نوصّلو في كامل تراب الجمهورية في ظرف 24 حتى 48 ساعة. في تونس الكبرى، أغلب الكوموندات اللي تتعمل قبل الثانية بعد الظهر تخرج نفس النهار. الليفرور يعيّطلك قبل ما يجيك.
قدّاش سوم التوصيل؟
8 دينارات على كامل تراب الجمهورية. و الاستلام من المغازة في أريانة بلاش — كوموندتك تكون حاضرة نفس النهار.
نجم نتبع كوموندتي؟
من صفحة « تتبّع كوموندتك »، بنومرو الكوموند متاعك (يوصلك في الإيمايل) و الكود بوسطال متاع التوصيل. الكوموند وين وصلت تشوفها لحظة بلحظة.
نجم نلغي أو نبدل كوموندتي؟
أي، ما دامت الكوموند مازالت ما خرجتش للتوصيل. اتصل بينا على 27 055 523 بنومرو الكوموند متاعك و نبدلولك اللي تحب في الحين.
الخلاص
كيفاش نجم نخلص؟
بالكارطة البنكية عبر CliCToPay (فيزا، ماستركارد، الدينار الإلكتروني)، عبر Konnect، ولاّ خلاص كاش عند التوصيل.
الخلاص أونلاين آمن؟
أي. الخلاص يتم مباشرة على الصفحات المؤمّنة متاع CliCToPay ولاّ Konnect — أحنا ما نشوفو و ما نخزنو حتى معلومة من كارطتك.
المنتوجات و الباكوات
قدّاش تقعد الحلويات بنينة؟
البقلاوة، المقروض و الغريبة: من جمعتين لثلاثة في علبتهم مسكّرة و بعيد على السخانة. أما الحلويات الفريشك (ميل فاي، تارت) خيرها تتاكل في ظرف 48 ساعة.
كيفاش نركب باك على قياسي؟
كل باك في صفحة « الباكوات » تركّبو أونلاين كيف تحب: تختار شنوّة يكون في كل علبة قبل ما تزيدها للسلّة. و للكميات الكبيرة (أعراس، شركات)، اتصل بينا باش نحضّرولك ديفي.
عندكم حلويات بلا قلوتان؟
جزء من منتوجاتنا يصلح (غريبة حمّص، و بعض التشكيلات). المكوّنات بالتفصيل تلقاها في صفحة كل منتوج — و إذا عندك حساسية، قولهولنا وقت الكوموند.